KURYENTE TIPID TIPS:

 

Paggamit ng Ilaw:

 

1. Linisin ang bombilya o fluorescent tube. Ang dumi ay nakakabawas ng 50% na liwanag.
2. Hanggat maaari Compact Fluorescent Lamp (CFL) ang gamitin.
3. Palitan agad ang fluorescent tube o starter kung malapit nang mapundi.

 

Paggamit ng Refrigerator:

 

1. Sa pagbili ng refrigerator, hanapin ang Energy Efficiency Factor (EEF) na tatak. Mas mataas na EEF, mas matipid sa kuryente.
2. Huwag hayaang kumapal ang yelo ng mahigit sa ¼ na pulgada. Mahalaga ang regular na pag de-defrost.
3. Panatilihing malinis at walang sira ang condenser coil at pinto ng refrigerator.

 

Paggamit ng Airconditioner:

 

1. Sa pagbili ng aircon, hanapin ang Energy Efficiency Rate (EER) na makikita sa kulay dilaw na tatak. Mas mataas na EER, mas matipid.
2. Iakma ang kapasidad ng aircon sa laki ng kuwarto o lugar.
3. Panatilihing malinis ang air filter ng aircon.
4. Huwag hayaang sumingaw ang lamig o pumasok ang mainit na hangin sa kuwarto.

 

Paggamit ng Plantsa:

 

1. Magkaroon ng takdang araw ng pamamalantsa sa isang linggo.
2. Mainam na gawin ang pamamalantsa sa umaga kung kailan may liwanag at mas malamig.
3. Unahin plantsahin ang mga makakapal at mabibigat na damit at ihuli ang mga maninipis upang ang natitirang init ng plantsa ay lubos na magamit.

 

Paggamit ng Electric Fan:

 

1. Panatilihing malinis at walang alikabok ang elisi.
2. Hanggat maaari ay i-lock ang oscillator sa isang direksiyon.
3. Hanggat maaari ay sa katamtamang lakas lamang ito gamitin.

 

Paggamit ng Television:

 

1.  I- off ang TV at hugutin sa saksakan kung hindi ginagamit.
2. Iwasang bumili ng Cathode Ray Tube o CRT na TV dahil mas maaksaya ito sa kuryente.
3. Manood na lamang ng sama-sama hanggat maaari.